Færsluflokkur: Bloggar

Hrós til Ómars Stefánssonar!

Ómar Stefánsson bæjarfulltrúi Framsóknarflokksins í Kópavogi á hrós skilið fyrir að tala opinberlega og á heiðarlegan hátt um þá vitleysu sem átt hefur sér stað í stjórn Lífeyrissjóðs Kópavogs. Enn og aftur kemur fram hversu spillt vinnubrögð Gunnar I. Birgisson viðhefur, hvort sem um er að ræða störf í nefndum og ráðum eða fyrir hönd Kópavogsbæ sem Bæjarstjóri og fulltrúi síns flokks. FME gerir alveg rétt í að kæra þessa framkvæmd.

Hreinsa þarf til á opinberum vettvangi og losna við spillta stjórnendur úr nefndum og ráðum.


mbl.is Verið að leyna FME staðreyndum
Tilkynna um óviðeigandi tengingu við frétt

Eru sjálfstæðismenn alveg blindir?

Sjálfstæðismenn eru varla svo blindir að sjá ekki að viðskipti Gunnars við fyrirtæki dóttur sinnar, geti varla talist eðlileg. Gunnar hefur misnotað aðstöðu sína og ber ábyrgð á öllu þessu máli í heild sinni, sem persóna og sem bæjarstjóri. Þeir sjálfstæðismenn sem eru að hvetja Gunnar til þess að sitja áfram, eru að skemma fyrir flokknum og þar með flokksbræðrum sínum.

Kveðjum Gunnar.


mbl.is Vilja ekki að Gunnar hætti
Tilkynna um óviðeigandi tengingu við frétt

Ótrúlegar hækkanir!

Það er með ólíkindum að hækkaðir skulu neysluskattar þegar þeir fara beint út í verðlagið og hækka þannig vísitölu neysluverðs, sem aftur skilar sér í hækkunum á húsnæðislánum og öðrum vísitölutryggðum lánum. Það væri kannski í lagi að beita þessum úrræðum ef afnumin hefði verið vísitölutrygging lána en því þora stjórnmálamenn ekki. Keyra þarf niður okurvexti í þjóðfélaginu en ekki fara í aðgerðir sem hækka þá.

Ég spyr;  er þetta hjálpin við heimilin í landinu?

Nær hefði verið að hækka beina tekjuskatta og draga úr styrkjum og óþarfa eyðslu á vegum hins opinbera. Minnka umsýslu ráðuneyta, ferðakostnað og styrki. Einnig mætti leggja niður rekstur dýrra sendiráða um allan heim. Draga þannig úr eyðslu í opinberum rekstri og veita þeim peningum sem þannig fást í atvinnuuppbyggingu.

Ég hvet fólk til þess að láta í sér heyra og láta ekki bjóða sér þessa vitleysu.


mbl.is Bensínið aldrei dýrara
Tilkynna um óviðeigandi tengingu við frétt

Hreinsa þarf til á fleiri stöðum!

Það er greinilegt að hreinsa þarf til á fleiri stöðum en á Alþingi og seðlabanka Íslendinga. Ekki veitir af að smúla út spillinguna og sóðaskapinn hjá bæjarstjórn Kópavogs. Það eru greinilega reitur ennþá eftir af spilltum einstaklingum í stjórnkerfi borga og bæja, sem svífast einskis til þess að skara eld að sinni köku. Skirrast svo ekki við að koma keikir í fjölmiðla og tala um skítakast á sig og sína. Siðblindan er alger og tími fyrir þessa menn að taka pokann sinn. Ef þeir gera það ekki með góðu, þarf að svæla þá út eins og púka af fjósbita.

Nú er lag!


mbl.is Ræddu hugsanleg meirihlutaslit
Tilkynna um óviðeigandi tengingu við frétt

Fella ber niður brenglaða mælingu á vísitölu!

Löngu er orðið tímabært að fella niður hverskonar vísitölutengingar sem lagðar eru til grundvallar hækkunum á fjármagni, til handa lánadrottnum. Rangar mælingar á neysluvenjum landsmanna, þar sem gert er ráð fyrir að meðaljóninn borði og drekki þetta eða hitt og fari til útlanda í það minnsta einu sinni á ári. Þetta er lagt til grundvallar verðbólgumælingum sem aftur hækka húsnæðislán og önnur lán landsmanna, til viðbótar þessu bætast svo hæstu vextir í hinum vestræna heimi. Þessi háttur er hafður á, eingögnu til þess að tryggja að lánadrottinn fái örugglega sitt og vel það.

Íslenskt þjóðfélag hefur verið bundið í klafa vaxtaokurs allt of lengi og nú er mál að linni. Það er siðferðileg skilda ráðamanna að létta þessu vaxtaokri af þjóðinni. Vaxtaokur sem eingögnu hefur verið til þess að gera feita fjármagnseigendur ennþá feitari á kostnað almennings og fyrirtækja í landinu.

Nú er lag!


mbl.is Árshækkun vísitölu neysluverðs 11,9%
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband